Voce di Rutali in Corsica

06 janvier 2007

L'OLMU NOVU "Un m'abandunnati dicè l'olmu pienghnendu cumè un salice."

À 17:46 , U cuccu a dit...: "Girava, girava Pitrinu, quant'è u penseru. Da a mane à a sera andava, à pedi pullitrini, in cerca di u misteru di a so vita. Era svighjulatu cum'è un gallu è tantu bellu ch'ùn paria mancu toccu di manu. È astutu in soprappiù, passatu à i sette stacci. A sera, fra lume è lustru, à carne fatta è corpu à lampione, vultava in casa. A so cena ingullita, cascava da u sonnu è in quattr'è quattr'ottu durmia cum'è un saccu. Sin'à u lindumane. Per riparte. Avia intesu dì ch'ell'era un figliolu fattu di ghornu. È circava induve ! Hà finitu per truvà. Sottu à l'olmu di a Caldaniccia !"
Qualchì parolla è spressione di a nostra lingua cù e so fiure particulare. Ci nè hè tante ! L'indule (le génie) d'una lingua hè di facci vede, cum'è dentru à un spechju, u so populu ind'è e so faccende, e so gioie, e so pene, cù i so mendi (ses penchants), i so estri...a so essezza. U nostru si ne và, supranatu ch'ell'hè da un antru spietatu. Peccatu ! Si l'acquistu di una lingua hè sempre una ricchezza in più, a perdita di a soia hè una ferita prufonda, un impuverimentu. Chì ne dite voi ? Ditecila quì. (Jbg)

Abonnement Publier les commentaires [Atom]