Una picula puesia di meie ! tanti saluti à e voce di Rutali :) Angélique di Rapale Berliner Mauer Oghje face vint'anni ch'ellu si ne falatu, Sott'à a mazzola ardita d'una revuluzione. Ma quantu si sò morti senza avè lu francatu, U muraglione negru simbulu d'oppressione ? Mi vogliu ricurdà di la zitella orfagna, Vitima d'un cunflitu ch'ell'ùn hà mai capitu. Mi vogliu ricurda d'a donna chì si lagna, Perchè, di l'astru latu, ferma lu so maritu. Mi vogliu ricurdà di l'omu curagiosu, C'hà vulsutu passa pè ritruvà la ziglia. Mi vogliu ricurdà d'u vechju silenziosu, Mortu solu, ..à trè passi di la cara famiglia. Mi vogliu ricurdà di tutte l alme umane, Ch'anu suffertu un ghjornu d'esse d'una nazione. Vogliu, eiu, sperà è crede chì dumane, Mai più ùn crescerà nisunu muraglione.