U FOCU DI NATALE

U FOCU DI NATALE Originally uploaded by U Cuccu.

"Da quantu mi ne possu invene, a prima fiura chì mi vene in core quandu pensu à Natale, ghjè quella di u focu. Quella di a fucaraccia incesa in piazza à a chjesa, per paga, à i zitelli, di ghjorni sani di trascinere (o l'incanti !). Quella di u fucone imburratu cù u so ceppu natalescu, per scallacci tutt'inseme, à veghja, dopu messa. Quella di e fiamme di a fede accatizzate 'sta sera per celebrà a nascita di u Bambinu. I nostri antichi, i più landani, festighjavanu digià, à 'st'epica, cù u focu, u solstiziu d'inguernu ! U focu, a luce, a speranza, ghjè Natale. A nostra primura dunque, oghje, serà di fà luce in ogni core, é soprattuttu in quellu di i zitelli, u focu di a gioia é di a speranza. A nostra prighera serà ch'ell'ùn venghi à fiaccassi issa luce in i cori scunsulati, impenseriti da i castichi presenti di a vita. Bon Natale à tutti ! Jbg (Photo J.M.F)