L'INCUNNISCIUTA 'puema à Cathline' In lu viaghju chì corre Hè ghjuntu per un stonda, U sentimentu d' amore Fendu in mè a so ronda, Nasce senza un dettu È passa cum' un fulettu. Passi in la mo vita Ind' una notte stellata, A to fiura mi seguita Oghje in questa scappata, Mani in stacca spassighjeghju In la notte fighjuleghju... Sentimentale sta sera À l' azardu d' un' ora, In l' idea chì spera D' esse rè in la to torra, Sognu d' un scrittu puema Ind' una musa buema... Mi stò innamuratu D' una donna d' un surrisu, Ind' un sguardu tantu amatu Ch' in me voltu è rigiru. la mo musa in lu rammentu La mo penna nùn t' hà spentu... In lu mo core pittore Dipinghju a to faccia, Lu silenziu d' un culore Nanta un fogliu ti traccia... Dimmi avà induve tù stai...? È dumane induve tù vai...? Ghjanpa