Un poême de circonstance de Ghjanpa Veni..Veni à vedemi zitellu Dammi la to manu una stonda Ùn abbia paura di lu ventulellu Nè di la mio fiura nant' à l' onda Veni..Stammi à sente T' aghju sceltu, tù si innucente. Veni..Veni à vedemi ùn sò strana Toccami.. ùn sò micca cutratta È mancu ùn ne aghju furlana Guarda la mo faccia ùn ne staffilata È senti la mo voce cum' ella hè dolce Veni.. da tè vogliu fammi cunnosce. Sarai cum' è la mo parolla Quandu riturnerai frà li toi Crederanu di sicuru à una fola Ma fà ciò chè tù podi Contali u fattu di la mio vita Chì di a vostra ne sò unita... Sò disgrazia quandu vengu in terra Sia in guai d' ogni solte È moltu più per la vostra guerra Tantu furzate le mio porte Issu mumentu sanguinosu Mi si pare esse ladra di lu vostru riposu. Sò felice quandu vengu naturalamente Per sullevà un' anima malata Mi chjamanu quand' e lumere sò spente A mo prezenza ùn hè sfurtunata Trovanu quì i campi fiuriti È di a vita nun sò più feriti. Avà frà noi nun ci hè più fossu È ti sentu menu inchietu, Ma dittine di più nun possu Chì di sapè tuttu lu mo secretu Ti faria campà troppu felice Sè in tè u timore sparisce. Vai..Vai è dilli cum' è tù m' ai vistu Una donna senza orgogliu U mio mondu ùn ne micca tristu Più tardi a saperai figliolu Veneraghju à chjodedi l' ochji Ti purteraghju in li mio lochi. ..... O donna di nome morte In lu to esse ci campu Nun saranu chjose le mo porte À le campane , à lu tò cantu À lu dolce di le to mane Veni..Venerai à un dumane.... GHJANPA