UNA SCAPPATA

Purtatu da un ventulellu

U ghjornu pianu finisce,

Mi porta cum'un riposu

Dentu ancu à l'acellu

Chì à u luntanu sparisce

Un volu più graziosu.

U sole si n'hè andatu

À fà lume à l' altru mondu,

Face locu à la luna

In 'ssu celu tantu stellatu

U mo sguardu trova ribombu

In 'ssi culori di furtuna.

Mi carezza u ventulellu

Hè serenu stu mumentu,

Ponu cantà e malacelle

À l'intornu di u castellu

Nun mi portanu spaventu

Sott'à lu focu di e stelle.

Cum'è quandu nasce un fiore

U core di a natura

Mi ralegra cù amore,

Quand'ella m' offre e so ore

Cù la so mente sicura

Mi lascia cum'un favore.

L'arburu perde e so fronde

Fendu un mantelu à la terra,

Copre cusi li chjassi

È à l'ombra di ste stonde,

In sti lochi di a serra

Ci vuleria perde li mo passi.

Dui bracci m'hanu pigliatu stasera

Mi stinghje è nun fughju,

È u mo core ùn' addispera,

Per nun rompe un silenziu nun mughju

Offrendu a mo anima à sta notte.

 Un poème de Ghjanpa