Voce di Rutali in Corsica

18 décembre 2011

À 18:23 , Ghjanpa a dit...: Purtatu da un ventulellu
U ghjornu pianu finisce
Mi porta cum'un riposu
Dentu ancu à l'acellu
Chì à u luntanu sparisce
Un volu più graziosu.

U sole si n'hè andatu
À fà lume à l'altru mondu
Face locu à la luna
In 'ssu celu tantu stellatu
U mo sguardu ci trova un ribombu
In 'ssi culori di furtuna.

Mi carezza u ventulellu
Hè serenu stu mumentu
Ponu cantà e malacelle
À l'intornu di u castellu
Nun mi portanu spaventu
Sott'à lu focu di e stelle.

Cum'è quandu nasce un fiore
U core di natura
Mi ralegra cù amore
Quand'ellu m'offre e so ore
À li mo passi di futurna
Mi lascia cum'un favore.

L'arburu perde e so fronde
Fendu un mantelu à la terra
Copre cusi li chjassi
È à l'ombra di ste stonde
In sti lochi di a serra
Ci vuleria perde li mo passi.

Dui bracci m'hanu pigliatu stasera
Mi stinghje è nun fughju
In lu mo volu ùn' addispera
Per un silenziu nun mughju
Offrendu i mo passi à un sogniu.

GHJANPA

Abonnement Publier les commentaires [Atom]