SOTT'A L'OLMU A Piazza di l'olmu, èra u locù induve si parlava e si chjàchjareghja. allora a voï !
publié par U cuccu @ 01:10
11 commentaires
Voce di Rutali in Corsica
Forum de toutes les personnes qui aiment le village de Rutali (Hte Corse), qui l'habitent, en sont originaires ou simplement le connaissent.
14 janvier 2006
Articles précédents
- MUSIQUE: Le score le plus élevé: Michel Cacciague...
- 42 commentaires dans la Journée ! Comme vous y al...
- La révolution des blogs
- B.M: Le soufflé au Grand Marnier
- 13 janvier 1898: J'accuse L'écrivain Émile Zol...
- Connaissez-vous ces deux-la ?
- La GYM
- Musique et Fantasme
- Un fameux strip-teaseJOE COCKER: "You can leave yo...
- Sardaigne: la carte pour se situer
Abonnement
Articles [Atom]
11 commentaires:
Allez, DD, lanciati in corsu, viderai, un'è micca troppu difficile. E se tu ti sbagli, un face nunda, tutt'e ghjente un ponu micca scrive cume JBG.
U tuttu, è di principia
Amicizia
Mi piace assai a fiura chì mi vene in core leghjendu ‘stu titulu « sott’à l’olmu ». U rivecu l’olmu di a piazza di u Furnichjulu cù i so radiconi chì escianu di terra , locu di tanti ghjochi zitelleschi. Mi piace u simbulu ch’ellu ripresentava essendu u locu sceltu per i scambii pacifichi frà l’omi. Rivecu a nostra ghjente à pusà à l’ingiru, certe ghjucà à piastre. U vecu à Ghjuvann’Ambrosgiu caccià da u so zenu qualchì pezzu d’erbatavacca, tazzulalla cù e trisore dentru a so mana accuppulata, imburrà a so pippa è accendela calendu pianu u so capu nantu u latu. Tuttu què cù una grande ecunumia di gesti è di parolle. Frà duie buccate, piglianu u volu à buleghju à u fume, parolle chì dicenu u sgracinà chietu di l’ore. Si parla di tuttu è di nunda, di u tempu chì face è di quellu chì passa, si ramenta i passi fatti, per ùn scurdassi, è quelli più freschi accaduti quì, senza allungassila troppu. U cernigliu di u tempu si ne occuperà. Oghje l’olmu di a piazza ùn ci hè più è i tempi ùn sò più quelli. Ancu di grazia ! A vita in paese hè tantu più faciule oghje. Ma di tempu da cunsacrà à l’altri ci ne ferma cusì pocu. U si manghjanu l’arnesi ingordi ghjunti in casa da u prugressu. Frà elli ci hè l’urdinatore chì ci mette in leia cù u mondu sanu in un lampu. Un antra manera di campà. Oghje piazza à l’olmu ghjè « Voce di Rutali » chì ci permette di parlà, di parlassi, di sapè è di scopre, di apre porte è strade nove, di dì ciò chì si face è ciò chì si puderebbe fà…Avemu cun ellu allargatu tantu u spaziu di a nostra libertà. Ma si pone più chè mai quellu di a nostra rispunsabilità. Ùn simu micca quì ind’è un pullinaghju induve ci vole à mughjà o à mandà impruberii per fassi sente. Simu quì sott’à l’olmu induve e voce di Rutali si facenu sente tranquille è senza timenza. Ci basta di lascià parlà u nostru core. (Jbg)
Mà chi piacè di leghjeti, jean-bati !
ci vole u curaggiu, per passa dopu a jbg
Salutemu u ritornu di u nostru amicu Minutu in un lingua ch'ellu maneghjia di megliu in megliu.
Caru M.Pignon, una piccula discussione cun JBG un vi dice nunda? E stunente!
A piazza a l'olmu si chiamava a piazza di u Furnichjulu?
Chi vole dì stu nome? Un picculu fornu?
Mi ricordu di Ghjuvann'Ambrosgiu, cu a so pippa e i so mustacci. Era u maritu di Niculetta, una surella di a mo caccara Antunietta Alfonsi, moglie d'Ignaziu. Ghjè inde a so casa chi c'è statu l'ultimu fucone di Rutali.
U tempu è passatu dipoi; e cume ha dice Jb, "i tempi ùn sò più quelli.....
A.B
Un he pui tempu di riccurdassi sempre solamente ; Diove a nunda di sempre vule che lu fussi cume eri ; u nostru duvere di memoria un vale che per salutà tutti i nostri vecchji chi ci mancanu e chi meritanu pui che u rispettu . Ma elli sarrebbenu belli cuntenti d'esse giovani oghje n'he so sicuru !
Sotta st'olmu vale quant'e nostri detti sott'u fornu d'antone oghje , cosa sarebbe una disgrazzia ghje chi sti lochi d'oghje di riscontru fussinu smariti !
Allora pensà sott'a l'olmu oghje ghje pensà u rutali di dumane , femu chi st'a radica di memoria fussi rivividda per i projetti d'avene di u paese , ghje u piu bellu missaghju che noi pussimu mandà a i nostri antenati di a piazza di l'olmu ?
Salutu a ghjambatti incu core e amicizia , mi piace a leghjetti , ma forse anchu di piu a salutati in paese
U Poaretu di M Pignon
c'è u sbagliu, Ghjuvann'Ambrosgiu era u maritu di Anghiula . U maritu di Niculetta si chiamava ghjuvan Fiore.
R.G
Merci Romaine d'avoir rectifié; tu connais mieux la famille que moi.
Le privilège de l'âge, peut-être?
Andrea
Scusatemi d'ave scrittu in francese nanta stu postu allora chi era statu dettu chi solu u corsu era dumandatu.
Un mi ne so micca accorta subitu, cercheraghju di fà attenzione a prossima volta;
in piazza a l'olmu pensu chi si parlava ancu di pulitica.
e inde tutti i loghi di riscontru d'oghiè, in caffè, sotta u fornu d'Antone, in piazza chjesa avanti a messa, è listess'affare. I Grechi chiamavanu quessa "l'agora".
tutt'u mondu pudià dà u so parè. E cusì chi ghjè nata a democrazia.
Enregistrer un commentaire
Abonnement Publier les commentaires [Atom]
<< Accueil