21 janvier 2006

SOTT'A L'OLMU

SOTT'A L'OLMU Originally uploaded by PP1.
Un sò micà siguru ch'ellu fussi un'olmu, mà anc'a vostra indulgenzia...

publié par U cuccu @ 06:46   2 commentaires

2 commentaires:

À 07:09 , Anonymous Anonyme a dit...

Simu stati unipochi sabbatu scorsu à facci una chjachjarata sott’à l’olmu. Tant’altri ponu agghjunghjesi à noi. Ùn si tratta micca quì di fà prove literarie benintesu. Quì omu si arreghje spenserati, per salutassi, per dì in tutta amicizia, in una lingua ch’ùn avemu micca avutu a grazia di amparalla à a scola, u so parè, a so primura, a so cerca, a so gioia…parlà d’eri, d’oghje è di dumane, senza fà casu à i sbagli di scrittura ch’ognunu pò fà. Nisunu nasce amparatu. Ghjè cù a pratica ch’ellu si avanzerà cume a dice u nostru amicu Minutu. È serebbe un affarone si, strada facendu, si ghjunghjissi à fà acquisti preziosi è ammaestralla ‘sta scrittura. Inquant’à i suggetti di i nostri baratti, e porte devenu stà aperte, micca scrignate ma spalancate. Ma di sicuru, certi suggetti più chè d’altri riclamanu una maestria più grande di a lingua. Ciò chì tocca à a pulemica per esempiu. Si sà u pesu ch’elle ponu avè certe parolle. Per dà un quadru generale à i nostri scritti, si puderebbe, senza vulè impone, impinnà nant’à temi scelti partendu di u glussariu. Sabbatu chì vene puderebbemu cumincià pè a lettara A è ognunu face u cumentu ch’ellu vole nantu a parolla ch’ellu hà sceltu. A cume amicizia, cum’ avvene, cum’è arte…ecc. A settimana dopu si passa à a lettara B…Per quelli chì si lancianu in a scrittura, u megliu serebbe, pò dassi, di cumincià à scrive in modu burlescu : un stavatoghju, una strufuletta, un passu scherzosu…Ghjè à ride ch’è no ci salveremu di e nostre mancanze quand’elle ci sò. Avete rimarcatu chì a nostra lingua ùn pussede micca un termine chì copre tuttu u significatu di u termine francese « humour ». Serà perchè ne manchemu ! U spiritu, iè, quessu ci hè, quand’ellu si tratta di scherzighjà o di taglià una flacchina à qualchissia. Ma di spiritu à l’incontru di sè stessu, pocu è micca. Ci sò chì diceranu, i sentu, ma noi ùn simu micca scemi ! Và bè , ma eo mi dumandu quantunque si una gran parte di i prublemi ch’è no avemu in Corsica ùn venenu micca di a nostra incapacità di accettà a critica in generale. Face chì simu sempre à accensoriu in manu è à lasciacorre assicuratu. Chì ne dite voi ? Jbg

 
À 14:40 , Anonymous Anonyme a dit...

Quelli chì averanu a pazienza di leghjemi sinu à l’ultimu ( mi scusu pè a lungura ) leghjeranu incensoriu, o incensore, allocu di accensoriu. Amicizie. jbg

 

Enregistrer un commentaire

Abonnement Publier les commentaires [Atom]

<< Accueil