29 août 2012


In la mo andata, in lu mo core,"in sta fotto" ghjè di fighjà i nostri antichi di leghje è rileghje i nomi in lu monumentu, i nomi di quelli ch'ùn ci so più, in la mo spassighjatta, à elli, 
à e mamme, li offru sta puesia...

ULTIMA PRIGHERA


O Mà, scusa u dulore
Di questa puesia,
À le mo ultime ore
Stà forte è cusì sia,
Per fà sempre onore
À tuttu lu mo amore.

Stamane sò cascatu
Sotta e palle di un nemicu,
Perdonali 'ssu fattu
Serebbe statu forse un amicu,
In stu mondu ingratu
Chì oghje m' hà cundannatu.

In stu ultimu ghjornu
Ti sentu tantu vicina,
Ùn aspetti più ritornu
È preghi in sta matina,
Ma nun vogliu chì lu ventu
Faccia sente lu to pientu.

O Mà, dammi la to manu
È portami cum' è prima,
À li Pantani per lu Rumanu
U mo core è la mo anima,
In stu ritrattu luntanu
À lu mo ricordu steranu.

Sentu dinù la to voce
M' addurmintava la riturnella,
Sè m' accumpagna oghje la croce
Fà cantà messa in paghjella,
Per u to figliolu suldatu
Chì a guerra t' hà pigliatu.

Ma nun vogliu o Mà
Onori d' una patria,
Prumettimi sta chjama
In lu to core stia,
Sempre quellu zitellu
Chè tù purtasti in camancellu.

O Mà chì ghjè stu lume
Chì vegu cum' una stella?
Dimmi o Mà cume...
Dimmi o Mà....


GHJANPA 

5 commentaires:

À 16:41 , Anonymous Anonyme a dit...

Chjanpa!Ma cume facci per truva stè rime chi ci facenu scalppa u pientu!!ad.

 
À 00:07 , Anonymous Anonyme a dit...

Magnifique

 
À 13:57 , Anonymous Anonyme a dit...

plus beau que BAUDELAIRE !!

 
À 17:16 , Anonymous Anonyme a dit...

La seconde strophe est remarquable!!!

 
À 17:57 , Anonymous Anonyme a dit...

En fait elles sont toutes remarquables , la seconde en particulier.ad.

 

Enregistrer un commentaire

Abonnement Publier les commentaires [Atom]

<< Accueil