Voce di Rutali in Corsica

03 février 2007

IN PIAZZA

À 09:45 , Anonyme a dit...: Un’affaccatella sott’à l’olmu, per mandà un salutu amichevule à tutti i nostri paisani (quelli di nentru è quelli di fora) è ‘stu picculu scrittu distinatu à giovani teatrini bramosi d’esercitassi in lingua corsa. U tema : A spressione di u sintimu amurosu, micca sempre spartutu si sà, trà ella (Rusina), bella è spenserata è ellu, innamuratu è sgalabatu.

Ellu (laziosu)
Vulia ditti o Rusì
u sole chì si pisava stamane
rossu è tamantu cusì
era pienu di prumesse per dumane…

Rusina - ! ?

Ellu
È a luna guarcia d’erisera
induvina di a notte nera
m’hà dettu falli l’ochjata
à a to innamurata…

Rusina - ! ?

Ellu
‘sti pendini di chjarasgiole
di sangue culurite…

Rusina (lesta)
O caru, … sò savurite !
Ti ringraziu, à prestu sì Die vole !

Ellu (solu)
Vulia …a mo perla rara
ditti quant’è tù mi sì cara
ma ùn cunnoscu a manera
di falla …à a spiccera (jbg)

Abonnement Publier les commentaires [Atom]